Fələstinin HƏMAS hərəkatı və İsrail atəşkəs, eyni zamanda Qəzza zolağında girovların azad edilməsinə dair saziş layihəsini bu həftənin əvvəlində qəbul edə bilər.
Publika.az xəbər verir ki, bu barədə CBS öz mənbələrinə istinadən məlumat yayıb.
“Qəzzada atəşkəs və girovların azad edilməsi ilə bağlı saziş layihəsi demək olar ki, razılaşdırılıb. Hər şey yaxşı olarsa, HƏMAS və İsrail arasında yekun razılaşmanın bu həftə əldə olunması gözlənilir”, - telekanal ərəb, amerikalı və İsrail rəsmilərinin sözlərindən sitat gətirib.
Bundan əvvəl HƏMAS bildirmişdi ki, atəşkəs və Qəzza zolağında girovların azad edilməsi üzrə danışıqlar yekun mərhələdədir. Hərəkat rəhbərliyinin sözlərinə görə, Qətərdəki məsləhətləşmələr sayəsində "müəyyən irəliləyiş" əldə olunub.
