Paytaxtda qayda pozan sürücü videoqeydiyyatçıya düşüb.
Avtosfer.az-ın məlumatına görə, hadisə bir müddət əvvəl Səməd Vurğun küçəsində qeydə alınıb. Belə ki, 77-KO-610 dövlət nömrə nişanlı “Toyota” markalı avtomobilin sürücüsü işıqforun qırmızı işığına və yolu keçən piyadaya əhəmiyyət vermədən hərəkət edib. Lakin o, biraz irəlilədikdən sonra işıqforun qırmızı işığında dayanmaq məcburiyyətində qalıb.
Qeyd edək ki, kadrda, görüntünü qeydə alan sürücünün də qayda pozaraq hərəkətdə olduğu zolaqdan birbaşa ən sol zolağa keçid etdiyi əks olunub.
Nərmin
