2024-cü il ərzində Bakı şəhərinin prokurorluq və daxili işlər orqanları üzrə cəmi 14 925 cinayət hadisəsi qeydiyyata alınıb, onların 88,8 %-nin açılması təmin olunub.
Day.Az xəbər verir ki, bu barədə Baş prokurorun rəhbərliyi ilə Bakı şəhər prokurorluğunun keçirdiyi 2024-cü il üzrə görülən işlərin yekunu ilə bağlı əməliyyat müşavirəsində məlumat verilib.
Bildirilib ki, Bakı şəhərinin daxili işlər orqanları ilə qurulmuş peşəkar əməkdaşlıq münasibətləri zəminində həyata keçirilən tədbirlər nəticəsində hesabat dövründə qeydə alınan 50, həmçinin ötən illərdən bağlı qalan 2 qəsdən adam öldürmə cinayətlərinin açılması təmin edilib.
