İsrail Hərbi Hava Qüvvələrinin Qəzza şəhərinin şimalında yaşayış məntəqəsini vurması nəticəsində azı 12 nəfər ölüb, 20-yə yaxın adam yaralanıb...
Poliqon xəbər verir ki, bu barədə Fələstin anklavının mülki müdafiə xidmətinə istinadən “Əl-Mayadeen” telekanalı məlumat yayıb. Məlumatlar Qəzzada İsrail və HƏMAS arasında atəşkəs razılaşmasının elanından qısa müddət sonra gəlib.
Telekanal ötən gecə Şeyx Radvan bölgəsindəki evlərə hücum edildiyini bildirib.
Qeyd edək ki, yanvarın 15-də axşam saatlarında “Əl-Mayadin” jurnalistləri İsrailin Qəzza şəhərinin qərbində bir evə endirdiyi hava zərbəsi nəticəsində 18 nəfərin öldüyünü bildiriblər.
Xatırladaq ki, Qətərin baş naziri Məhəmməd bin Əbdülrəhman əl-Tani ötən gün İsrail və HƏMAS arasında Qəzza zolağından girovların azad edilməsi və anklavda yanğına son qoyulması üçün razılıq əldə olunduğunu açıqlayıb. Atəşkəsin birinci mərhələsi 42 gün davam edəcək: Həmas 33 israilli girovu, İsrail isə fələstinli məhbusları azad edəcək. Köçkünlərin geri qaytarılmasına başlanılması da planlaşdırılır. Razılaşma İsrail ordusunun Qəzza zolağının şərqindən çıxarılmasını nəzərdə tutur. Humanitar yardımın tədarükü artacaq, yanacağın, mülki avadanlıqların və zəruri əşyaların idxalına icazə veriləcək.
Poliqon.info
