İngiltərədə səhiyyə sistemi böyük böhranla mübarizə aparır.
Böyük Britaniyada səhiyyə sistemi artan qrip hallarına görə sıx təzyiq altındadır. İngiltərə Səhiyyə Naziri Ues Stritinq bu ilin əvvəlində yalnız bir həftə ərzində 53 min Milli Səhiyyə Sistemi (NHS) işçisinin xəstəlik məzuniyyəti aldığını açıqlayıb. Nazir Stritinq xəstələrin dəhlizlərdə müalicə edilməli olduğunu "qəbuledilməz" adlandırıb.
News24.az xəbər verir ki, Streeting, qrip epidemiyasının təsirləri və kadr çatışmazlığı səbəbindən xəstələrin təhlükəsizlik və ləyaqət olmadan müalicə edilməli olduğunu bildirib.
Nazir bildirib ki, bu vəziyyət nəticəsində bəzi xəstələr saatlarla təcili yardım gözləməli olub və müvəqqəti ərazilərdə müalicə olunublar.
Belə ki, İngiltərədə təcili yardım gözləmə müddəti rekord səviyyəyə çatıb. Yeni məlumatlara görə, insult və infarkt kimi fövqəladə hallarda xəstələr təcili yardım üçün 12 saatdan çox gözləməli olurlar. Təcili xidmətlər sıxlıq tutumunu aşdığı üçün xəstələri qəbul etməkdə çətinlik çəkir.
Nazir dəhlizlərdə müalicə alan xəstələrin vəziyyətini "14 illik səhiyyə siyasətinin uğursuzluğunun amansız nəticəsi" kimi qiymətləndirərək, "bu təcrübəni tarixə basdırmaq" istədiklərini bildirib.
Lakin o, bu problemi qısa müddətdə həll etmək mümkün olmadığını və gələn qışda da oxşar halların yaşana biləcəyini bildirib.
Günel Məlikzadə
