“Microsoft ”bu ilin oktyabr ayında “Windows 10” üçün “Office” proqramlarını dəstəkləməyi dayandıracağını açıqlayıb.
KONKRET.az xəbər verir ki, bu barədə məlumat şirkətin “X”sosial hesabında paylaşılıb.Məlumatda deyilir: “Microsoft 365 proqramları 14 oktyabr 2025-ci il tarixindən sonra “”Windows 10” əməliyyat sistemi ilə işləyən cihazlarda dəstəklənməyəcək”. İT nəhənginin nümayəndələri qeyd ediblər ki, ofis proqramları və xidmətlərindən istifadəni davam etdirmək üçün istifadəçilər öz kompüterlərini “Windows 11”-ə kökləməlidirlər. Həmçinin “Windows 10”-un pulsuz dəstəyi oktyabrda başa çatacaq. Daha sonra izah olunub ki, ”Office” proqramları – “Word” mətn redaktoru, “Excel” elektron cədvəl redaktoru, “Power Point” təqdimat proqramı dəstək bitdikdən sonra belə “””Windows 10” ilə kompüterlərdə işləyəcək.
Vəli Həsənoğlu,
KONKRET.az
