Müəllif: Gülnar Əhmədli, Banco.az
2024-cü ilin dekabr ayında Azərbaycan mobil internetin sürətinə görə 110 ölkə arasında 56,78 MB/S sürətlə 55-ci yerdə qərarlaşıb. Azərbaycan noyabr (56,19 MB/S) ayı ilə müqayisədə mövqeyində 1 pillə irəliləyib.
Banco.az “Speedtest Global Index”in hesabatına istinadən xəbər verir ki, ötən ay Azərbaycan sabit genişzolaqlı internetin orta sürətinə görə isə dünyada 154 ölkə arasında 91-ci yerdə qərarlaşıb. Burada da Azərbaycan 1 pillə irəliləyib.
Ötən ay ölkədə sabit genişzolaqlı internetin orta sürəti 65,59 MB/S olub.
