Hind aktyoru Saif Əli Xan gecə saatlarında Mumbaydakı mənzilinə hücum nəticəsində 6 bıçaq yarası alıb.
NOCOMMENT.az xəbər verir ki, bu barədə Hindistan polisi məlumat yayıb.
Məlumata görə, cinayətkar oğurluq məqsədilə aktyorun Mumbayın prestijli Bandra rayonunda yerləşən mənzilinə girib. Həmin vaxt mənzildə aktyorun həyat yoldaşı – Bollivud aktrisası Karina Kapur, onların 4 və 8 yaşlı iki uşağı, eyni zamanda xidmətçi olub.
Hazırda xəstəxanada olan aktyorun həyatı üçün təhlükə yoxdur.
Cinayətkar qaçmağa müvəffəq olub və polis tərəfindən axtarışdadır. Hadisə ilə bağlı araşdırma başlanıb.
Xatırladaq ki, 54 yaşlı Saif Əli Xan 1990-cı illərin əvvəllərindən filmlərə çəkilir. O, “Sən və Mən”, “Yarış”, “Omkara”, “Müqəddəs Oyunlar” və digər filmlərdə baş rolları ifa edib.\\Kult.az
