1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
ABŞ-də yeni seçilmiş Prezident Donald Trampın inaqurasiya portreti ortaya çıxıb. Portret onun ikinci prezidentlik müddətinin başlamasına bir neçə gün qalmış dərc edilib.
Oxu.Az-ın verdiyi məlumata görə, yeni şəklin əvvəlkindən əhəmiyyətli dərəcədə fərqlənməsi müzakirələrə səbəb olub.
Belə ki, 2016-cı il portretində Tramp gülərüz və həyat dolu görünür. Lakin 2024-cü ilin təsvirində, o, ciddi və üzündə gülüş ifadəsi olmadan əks olunub.
Sosial şəbəkələrdə istifadəçilər Trampın bu portretlərini film personajları ilə müqayisə etməyə başlayıblar, çünki belə fərq artıq dəfələrlə müşahidə olunub.
Məsələn, Trampı məşhur "Squid Game" serialının aktyoru ilə müqayisə ediblər. Baş qəhrəman Son Gi Hun birinci mövsümdə bu oyunda iştirak etmişdi və yenidən oynamaq şansı düşəndə artıq onu nə gözlədiyini bilirdi, ona görə ikinci fotoda gülümsəmirdi.
Digər istifadəçilər "Breaking Bad" serialından Hank obrazı ilə oxşarlıq görüblər.
Bir neçə media qurumu artıq bunu "çətin dövr"ün işarəsi adlandırıb.
Xatırladaq ki, ABŞ Prezidenti Co Bayden vida nitqi ilə çıxış edib. O, prezidentlik müddətinin yekunlarınından danışıb, ölkəsi və demokratiya üçün təhlükələr barədə xəbərdarlıq edib. Onun çıxışı Ağ Evin "YouTube" kanalında yayımlanıb.
