Ötən gün dünyasını dəyişən tanınmış aktrisa Çimnaz Sultanovanın arxiv görüntüləri yayılıb.
KONKRET.az xəbər verir ki, sözügedən kadrları aparıcı Nanə Ağamalıyeva Atv kanalında aparıcısı olduğu verilişdə yada salıb. Görüntülərdə aktrisanın müğənni Manaf Ağayevlə səhnəciyi yer alıb. Çimnaz Sultanovanın həmçinin ölüm haqqında təsirli fikirləri xüsusilə diqqət çəkib.
“İnsanların həyatında problemlər çoxdur, lakin ən faciəlisi ölümdür. Ölümdən böyük problem yoxdur. Şəxsən elə insanam ki, qoy mənə nifrət etsinlər, qoy zəhlələri getsin. Amma heç vaxt heç kim deməsin ki, ay yazıqdır. Yazıqlıq ən pis hissdir. Hərdənbir biz fikirləşirik ki, o yoxdur, bu yoxdur, pul lazımdır. Ən əsas sağlamlıqdır. Sağlamlığı itirəndən sonra dərk edirsən, artıq bu, problemdir. Hər bir problemin həlli var, yeganə çıxışı olmayan yer qəbirdir. Qəbirdən heç kəs qayıtmır”, – aktrisa illər əvvəl Nanə Ağamalıyevanın verilişində qonaq olarkən dilə gətirib. (olay)
