“Milan”ın yeni rekordçusu oldu

Teo Ernandes “Milan”ın yeni rekordçusu olub.

Fransız müdafiəçi öz mövqeyi üzrə klubda ən çox qol vuran oyunçudu. O, A seriyasında “Milan”ın səfərdə “Komo”ya 2:1 hesabı ilə qalib gəldiyi matçda qollardan birini vurub. Bununla da 27 yaşlı Teo qırmızı-qara formada A seriyasında rəqib qapısından keçirdiyi topların sayını 30-a çatıdırıb və klubun yüksək liqada ən çox qol vuran müdafiəçisi olub.

Ernandes bu göstərici ilə hesabında 29 qol olan Paolo Maldinini geridə qoyub.

Teo “Milan”da 2019-cu ildən oynayır. O, komandada keçirdiyi 236 oyunda 32 qol vurub və 42 məhsuldar ötürmə edib.