Azərbaycan Cüdo Federasiyasının (ACF) və Abşeron-Xızı Regional Gənclər və İdman İdarəsinin birgə təşkilatçılığı ilə 20 yanvar şəhidlərinin xatirəsinə həsr olunmuş birincilik keçiriləcək.
İdman.biz xəbər verir ki, Abşeron-Xızı region üzrə təşkil olunacaq yarışda 15 yaşa qədər kiçik yaşlı yeniyetmə qızlar və oğlanlar qüvvəsini sınyacaq.
Yanvarın 18-19-da Sumqayıt Olimpiya İdman Kompleksində baş tutacaq yarışda qızlar və oğlanlar arasında 18 çəki dərəcəsində 200-dən çox cüdoçu medallar uğrunda mübarizə aparacaq. Yarışın əsas məqsədi yeniyetmələr və gənclər arasında idman vasitəsi ilə sağlam həyat tərzinin formlaşdırılması, həmçinin cüdonun kütləvi təbliğinə və təşviqinə nail olmaqdır. Yarış müvafiq yaş qrupu üzrə baş tutacaq ölkə birinciliyinə seçim xarakteri daşıyır.
İdman.biz
