Rusiya Prezidenti Vladimir Putin ABŞ Prezidenti Donald Trampı vəzifəyə başlaması münasibətilə təbrik edib.
Yeniavaz.com xəbər verir ki, bu barədə Rusiya dövlətinin başçısı Təhlükəsizlik Şurasının üzvləri ilə operativ müşavirəsində bildirib.
O, ABŞ-nin yeni seçilmiş prezidentinin və onun komandasının üzvlərinin Rusiya ilə birbaşa əlaqələri bərpa etmək istəyi ilə bağlı bəyanatlarını gördüklərini bildirib.  
“Biz Trampın üçüncü dünya müharibəsinin qarşısını almaq üçün hər şeyi etməyə hazır olması barədə bəyanatını da eşidirik. Təbii ki, biz bu mövqeni alqışlayırıq və Amerika Birləşmiş Ştatlarının seçilmiş prezidentini vəzifəyə başlaması münasibətilə təbrik edirik”, - Putin bildirib.