"Real"ın hücumçusu Kilian Mbappe Fransa millisi ilə münasibətindən danışıb.
News24.az xəbər verir ki, 2024-cü ilin noyabrında forvard Millətlər Liqasının oyunları üçün milliyə çağırılmayıb.
“Fransa komandası ilə heç bir problemim yoxdur. Mart ayında oraya qayıtmağı səbirsizlənirəm. Fransaya olan sevgim dəyişməyib, mən ölkəmin dünya çempionatına vəsiqə qazanmasına kömək etmək istəyirəm”, – deyə Mbappe bildirib.
Qeyd edək ki, bu mövsüm Mbappe bütün yarışlarda 29 matçda iştirak edib, 17 qol vurub və 3 məhsuldar ötürmə edib. Futbolçunun klubla hazırkı əmək müqaviləsi 2029-cu ilin yayına kimi nəzərdə tutulub.
Ağa Dadaşzadə
