İngiltərənin “Liverpul” və İspaniyanın “Barselona” klubları UEFA Çempionlar Liqasında (ÇL) 1/8 finala vəsiqəni təmin ediblər.
Arena.az xəbər verir ki, bu, ÇL-in Liqa mərhələsində 7-ci turun ilk oyunlarından sonra dəqiqləşib.
Ötən gecə İngiltərədə Fransa təmsilçisi “Lill”i məğlub edən (2:1) “Liverpul” və Portuqaliyada “Benfika”nı üstələyən (5:4) “Barselona” növbəti mərhələyə vəsiqəni vaxtından öncə təmin ediblər.
Mersisaydlılar 21 xalla vahid liderdir. Kataloniya klubu isə 18 xalla ikinci pillədə qərarlaşıb.
Xatırladaq ki, UEFA Çempionlar Liqasında Liqa mərhələsinin 7-ci turuna bu gün keçiriləcək 9 oyunla yekun vurulacaq. Liqa mərhələsi isə yanvarın sonunda yekunlaşacaq.
