Almaniya kansleri Olaf Şolz ABŞ-ın yeni prezidenti Donald Trampın Avropaya meydan oxuyacağını deyib.Şolz Parisdə Fransa prezidenti Emmanuel Makronla birgə mətbuat konfransında deyib: "Biz bu həftə yeni ABŞ administrasiyasına sahib olduq. Prezident Trampla çətin olacaq. Avropa və ABŞ-ı çoxillik dostluq və tərəfdaşlıq tarixi birləşdirir. Və biz bu möhkəm təməl üzərində əlaqələr qururuq".Şolzun sözlərinə görə, Tramp artıq bir sıra qərarlar verib və ya elan edib. "Əlbəttə, biz avropalı tərəfdaşlarımızla birlikdə onları diqqətlə təhlil edəcəyik", - Almaniya hökumətinin başçısı bildirib.Eyni zamanda, vurğulayıb ki, Avropa təxminən 450 milyon insanın yaşadığı böyük iqtisadi ərazidir: "Avropa gizlənməyəcək və qorxmayacaq, əksinə konstruktiv və özünə güvənən tərəfdaş olacaq. Bu əsasda biz ABŞ və Amerikanın yeni prezidenti ilə səmərəli əməkdaşlıq edəcəyik".O əlavə edib ki, son bir neçə ildə avropalılar NATO-nun Avropa sütununu gücləndirmək üçün birlikdə çox şey ediblər. Şolz qeyd edib ki, müdafiə xərcləri demək olar ki, bütün Avropa ölkələrində artır.
