“Eyüpspor”la peşəkar futbolçu Əhməd Kutucunun "Qalatasaray"a transferi ilə bağlı razılıq əldə olunub. Manset.az bu barədə xarici mediaya istinadən xəbər verir. Açıqlamada transferin maliyyə detalları da yer alıb: “Eyüpspor”a 5 milyon 962 min 500 avro (10 553 625 manat) transfer haqqı ödəniləcək. 2027-2028-ci il mövsümünün sonuna qədər razılıq əldə edilən Əhməd Kutucu qazanacaq: Cari mövsümün ikinci yarısı üçün 20 milyon lirə,
2025-2026 mövsümündə 50 milyon lirə,
2026-2027 mövsümündə 60 milyon lirə,
2027-2028 mövsümündə 75 milyon lirə. 24 yaşlı hücumçu ötən mövsümün sonunda "Eyüpspor"un Super Liqaya yüksəlməsinə kömək edib. Bu mövsüm futbolçu, 20 rəsmi oyuna çıxıb, 9 qol vuraraq göstərdiyi performansla diqqət çəkib.
