Klubu ilə yenidən anlaşdı

Kasper Şmeyhel “Seltik”də daha uzun müddət çıxış edəcək.

Təcrübəli futbolçu Şotlandiya klubu ilə müqaviləsini yeniləyib. Qlazqo klubunun mətbuat xidmətinin məlumatına görə, 38 yaşlı qapıçının müqaviləsinin müddəti 2026-cı ilin yayına kimi artırılıb.

Şmeyhel “Seltik”də ötən ilin yayından çıxış edir. Danimarkalı futbolçu bu mövsüm komandanın 39 oyununda meydana çıxıb.