Yanvarın 19-da Qəzza zolağında başlayan atəşkəs razılaşmasının birinci mərhələsi çərçivəsində ikinci təmizləmə prosesi həyata keçirilir.
“İki sahil” İHA-ya istinadla xəbər verir ki, HƏMAS-ın hərbi qanadı İzzəddin əl-Qəssam Briqadaları Qəzza şəhərinin mərkəzindəki Fələstin meydanında dörd İsrailli qadın əsgəri Qırmızı Xaç rəsmilərinə təhvil verib.
Əl-Qəssam Briqadalarının üzvü və Qırmızı Xaç rəsmisi meydanda qurulan səhnədə sənəd imzalayıb. Sərbəst buraxılan hərbi geyimli Liri Albaq, Karina Ariyev, Danielle Gilboa və Naama Leviyə “hədiyyə çantaları” verilib. Əsirlər Qırmızı Xaç avtomobili ilə İsrailə yola düşüblər.
Xatırladaq ki, atəşkəsin qüvvəyə mindiyi yanvarın 19-da Qəzzadakı 3 israilli məhbus İsrail həbsxanalarında saxlanılan 90 fələstinli ilə dəyişdirilib.
Məhərrəm Ağalaroğlu, “İki sahil”
