Rusiya Prezidenti Vladimir Putinə sosialist in qilabının rəhbəri Leninin nəşini Movzoleydən götürməyi və orada əsl imperatora yer açmağı təklif ediblər.
Cebheinfo.az” xəbər verir ki, bu təkliflə filosof Aleksandr Duqin Prezidentə müraciət edib:
“Mən artıq bir dəfə yazmışdım ki, Putinə inam imperatora inam kimidir. İnanıram ki, imperatorumuzun Rusiya tarixindəki rolunu müqəddəs edəcək atributlar yoxdur. Onun gələcək dəfn yeri, müasir Böyük Rusiyanın bütün uğurlarının ibadət yeri olaca q, indi ölkəmzdə bu yoxdur”.
O, Vladimir Putinə Leninin nəşini məqbərədən çıxarmaq, orada “əsl imperator üçün yer açmaq”, mə qbərəni bir az yenidən qurmaq və İkinci Dünya müharibəsi illərində toplanmış hərbi qənimətlərlə bəzəmək təklifini səsləndirib. Beləliklə, məqbərəni indiki prezidentin dəfni üçün hazırlamağı məsləhət görüb.
“Artıq Putinin məqbərəsinə sitayiş etmək mümkün olacaq. Vladimir Vladimiroviç bu dünyadakı ömrünü başa vurduqda, onun tabutunda növbələr yaranacaq. Qarşıdakı illərdə, onilliklərdə fəth edəcəyimiz Avropa dövlətlərinin bayraqlarını, Qərb tankları düşməndən alıb bura gətirəcəyik”,- Duqin əlavə edib.
Kremldən mətbuata verilən açıqlamada təklifin alındığı təsdiqlənib.
“Bu təklif qarışıq reaksiyaya səbəb olub. Bir tərəfdən Prezident Administrasiyasındakı mənbələr Vladimir Vladimiroviç üçün məqbərə hazırlamaq təklifinə gülümsəyir. Onlar bu mövzunu şərh etmir, Prezidentin “daha çox yaşayacağını” deyirlər”,-deyə mətbuat yazır.
Digər tərəfdən, o da bildirilib ki, Putin çoxdan Leninin nəşini Mavzoleydən götürmək barədə düşünür. İndi isə bu prosesi sürətləndirmək olar.
