Bakı, 27 yanvar, AZƏRTAC
“Araz-Naxçıvan” Misli Premyer Liqasının XX turunda “Neftçi”yə 2:1 hesabı ilə qalib gəlib.
Peşəkar Futbol Liqasından AZƏRTAC-a verilən məlumata görə, bu, Naxçıvan Muxtar Respublikası təmsilçisinin Azərbaycan çempionatlarında 20-ci ev qələbəsi kimi tarixə düşüb. Naxçıvan klubu buna öz meydanındakı 49-cu oyunda nail olub. “Araz-Naxçıvan” yarışın tarixinə evdə 20 və ya daha çox qələbə qazanan 33-cü komanda kimi düşüb.
Qeyd edək ki, naxçıvanlıların öz meydanındakı ilk qalibiyyəti 2000/2001-ci illər mövsümünə təsadüf edib.
