Bu gün Qəzza zolağının sakinləri cənubdan şimala keçə biləcəklər.
Publika.az xəbər verir ki, bu barədə İsrail ordusunun sözçüsü Aviçay Adrae “X” hesabında açıqlama verib.
O, fələstinlilərin Qəzza zolağının qərbindəki sahildə Əl-Rəşid küçəsi ilə Netzarim dəhlizindən şimala piyada keçə biləcəklərini vurğulayıb.
Adrae bildirib ki, nəqliyyat vasitələri də Səlahəddin küçəsi vasitəsilə nəzarətdən keçərək Qəzza zolağının şimalına doğru hərəkət edə biləcək. Nəqliyyat vasitələrində silah olması isə qayda pozuntusu hesab olunacaq.
