Milyarder İlon Mask yeni sevgilisi ilə ictimaiyyət qarşısına çıxıb.
BAKU.WS xəbər verir ki, bu barədə "People" nəşri məlumat yayıb.
ABŞ prezidentinin andiçmə mərasimindən əvvəl keçirilən tədbirdə sahibkar Maskın təsis etdiyi Neuralink şirkətinin xüsusi layihələrin direktoru Siobhan Zillis ilə görüntülənib. Hadisə şahidlərinin sözlərinə görə, onlar özlərini sevgili insanlar kimi aparırdılar.
İndiyə qədər Mask və Zillis romantik əlaqədə olduqlarını inkar edirdilər. Eyni zamanda, Zillis milyarderdən üç uşaq dünyaya gətirib: sonuncusu təxminən bir il əvvəl, daha ikisi - 2021-ci ildə Maskın həmin vaxt birlikdə olduğu müğənni Qrayms üçüncü övladını gözlədiyi vaxt dünyaya gəlib.
Zillis iddia edir ki, hər üç halda Mask yalnız sperma donoru kimi çıxış edib. Bununla belə, məhkəmə sənədləri Maskın 2022-ci ildə Texasdakı evində yaşadığını açıqlayır.
Siobhan Zilisin üç övladından başqa Maskın ən azı səkkiz uşağı var.
Visiontv.az
