İran Rusiyadan “Su-35” qırıcıları almağa qərar verib.
KONKRET.az xəbər verir ki, bu barədə İslam İnqilabı Keşikçiləri Korpusunun (SEPAH) generalı Əli Şadmani məlumat verib.
O bildirib ki, İran hakimiyyəti ordunun bütün qollarını gücləndirmək üçün silah almağa davam edəcək.
“Su-35 qırıcıları alınıb. Lazım gələrsə, hava, quru və dəniz qüvvələrimizi gücləndirmək üçün hərbi texnika alacağıq”, – deyə general vurğulayıb.
Ötən ilin yayında İranın ali liderinin müşaviri və ölkənin xarici əlaqələr üzrə strateji şurasının rəhbəri Kamal Xərrazi deyib ki, Tehran Rusiya qırıcılarının alınması ilə bağlı danışıqlar aparır. O qeyd edib ki, İran və Rusiya arasında hərbi-texniki əməkdaşlıq müqavilələri üçün heç bir maneə yoxdur.
Müşviq Tofiqoğlu
KONKRET.az
