Tanınmış basketbolçu Yanis Timma intihar edib.
Publika.az xəbər verir ki, bu, istintaq prosesinin nəticələri əsasında müəyyənləşib. Basketbolçunun ölümünün başqa versiyaları təsdiqlənməyib.
Basketbolçu dekabrın 17-nə keçən gecə Moskvanın mərkəzindəki hosteldə ölü tapılıb. Yaxınlıqda telefonu, onun ekranında keçmiş həyat yoldaşı, müğənni Anna Sedokovanın nömrəsi və "Annaya zəng et" ifadəsi olub.
Faciədən bir həftə əvvəl cütlük rəsmi olaraq boşanıb. Boşanmanın təşəbbüskarı Sedokova olub. Media yazıb ki, Yanis sona qədər sevgilisi ilə münasibətləri yaxşılaşdırmağa çalışıb. Timma və Sedokova 2020-ci ildən evli idilər.