Rusiya Federasiyası Konqo Demokratik Respublikasının şərqindəki vəziyyətdən narahatdır və münaqişə tərəflərini hərbi əməliyyatları dərhal dayandırmağa çağırır.
Bu barədə Rusiya Xarici İşlər Nazirliyinin saytında dərc edilmiş məlumatda deyilir.
“Rusiya Xarici İşlər Nazirliyi qurbanları ilk növbədə mülki əhali olan DRC-nin şərqində vəziyyətin hazırkı gərginləşməsindən narahatlığını bildirir. Moskva hərbi əməliyyatları dərhal dayandırmağa və danışıqlar prosesini bərpa etməyə çağırır”, - bəyanatda deyilir.
