UEFA gəncər arasında 2027-ci il Avropa çempionatının seçmə turnirinin püşkatma prosedurunu müəyyənləşdirib.
Teleqraf.com xəbər verir ki, iştirakçılar siyahısına Rusiya salınmayıb. Bu isə o deməkdir ki, qonşu ölkə yığması həm qitə birinciliyi, həm də 2028-ci ildə ABŞ-ın Los-Anceles şəhərində təşkil olunacaq Yay Olimpiya Oyunlarından kənarda qalacaq. Çünki bu çempionatda 31 dekabr 2003-cü ildən sonra doğulmuş futbolçular yer alacaq.
Seçmə mərhələnin püşkü fevralın 6-da UEFA-nın mənzil qərargahında atılacaq. Püşkatma nəticəsində 9 seçmə qrup tərtib olunacaq. Bunlardan 6-da 6 komanda, 3-də 5 komanda yer alacaq.
Albaniya və Serbiya AVRO-20227-nin ev sahibləri kimi birbaşa final mərhələsinə yüksəlib. Lixtenşteyn isə çempionatda təmsil olunmayacaq.
UEFA püşkatma üçün 6 səbət tərtib edib. Azərbaycan 5-ci səbətdə yer alıb:
1-ci səbət: İspaniya, İngiltərə, Portuqaliya, Niderland, Almaniya, Fransa, Ukrayna, İtaliya, Danimarka
2-ci səbət: Rumıniya, İsveçrə, Xorvatiya, Çexiya, Polşa, Norveç, Belçika, Gürcüstan, İrlandiya
3-cü səbət: Sloveniya, Finlandiya, İsveç, Avstriya, Slovakiya, Yunanıstan, İslandiya, Macarıstan, Bolqarıstan
4-cü səbət: Şotlandiya, Uels, İsrail, Şimali Makedoniya, Türkiyə, Kosovo, Şimali İrlandiya, Farer adaları, Moldova
5-ci səbət: Belarus, Monteneqro, Bosniya və Herseqovina, Kipr, Latviya, Litva, Qazaxıstan, AZƏRBAYCAN, Lüksemburq
6-cı səbət: Estoniya, Malta, Ermənistan, Andorra, Cəbəllütariq, San-Marino
Qeyd edək ki, iyun-iyul 2027-ci ildə keçiriləcək Avropa çempionatında 16 ölkə mübarizə aparacaq. Yarış nəticəsində 2028-ci il Los-Anceles Yay Olimpiya Oyunlarının iştirakçıları müəyyənləşəcək.
