Bədəndəki xallar ümumiyyətlə, zərərsiz olsa da, hər hansı qeyri-adi dəyişikliklər diqqətlə izlənilməlidir. Bir xal rəngini, ölçüsünü, formasını dəyişirsə və ya qaşınmağa, qanamağa başlayırsa, həkimə müraciət etmək vacibdir.
Milli.Az xəbər verir ki, bu dəyişikliklər dəri xərçəngi riski ilə bağlı ola bilər.
Xallar və Onların Xüsusiyyətləri
Bədəndəki xallar olduqca yayğındır və anadangəlmə olduqda, adətən zərərsizdir. Onlar dərinin müxtəlif yerlərində, boyun, qoltuqaltı, göz qapaqları, döş altı və göbək ətrafında görünə bilər.
Bir çox insanın bədənində xallar olur. Lakin bəzi xərçəng böyümələri də xal kimi görünə bilər. Buna görə də dəridəki dəyişiklikləri izləmək mühüm əhəmiyyət daşıyır.
.jpg)
Xəbərdaredici Əlamətlər
Xalın rəngi, forması və ölçüsü dəyişirsə
Xalda qaşınma və qanaxma olursa
Xalda düzənsiz sərhədlər və rəng pozuntusu yaranırsa
Əgər bu əlamətlərdən hər hansı biri müşahidə olunursa, dərhal həkimə müraciət etmək tövsiyə olunur.
.jpg)
Xalların Risk Dərəcəsi
Ümumiyyətlə, bədəndəki xallar risk daşımır. Ancaq bəzi hallarda xallar xərçəngə çevrilə bilər. Məlanoma - dəri xərçənginin ən ciddi formasıdır və erkən diaqnoz həyati əhəmiyyət daşıyır.
Hər il dünyada təxminən 160 min melanoma hadisəsi qeydə alınır. Bu nadir xərçəng növü vaxtında müalicə olunmazsa, bütün bədənə yayıla bilər.
Əgər dərinizdə hər hansı yeni böyümə və ya mövcud xalın dəyişdiyini hiss edirsinizsə, dərhal dermatoloqa müraciət etməlisiniz. Dəri xərçənginin erkən diaqnozu və müalicəsi həyati əhəmiyyət daşıyır.
Fidan
Milli.Az
