ABŞ-ın yeni müdafiə naziri Pit Heqset Pentaqonun qapılarından içəri girməzdən əvvəl ölkə ordusunda daha çox dəyişikliklərin olacağını vəd edib.
Təcrübəli bir veteran və keçmiş Fox News aparıcısı Heqset ilk tam iş gününə balamazdan əvvəı Birləşmiş Qərargah Rəisləri Komitəsinin sədri, general Çarlz Braun tərəfindən Pentaqonun yaxınlığında qarşılanıb.
Heqseth müdafiə naziri vəzifəsini tutmağın bir ömürlük şərəf olduğunu deyərək, jurnalistlərə Müdafiə Nazirliyinin daha sürətli tempdə fəaliyyət göstərəcəyini bildirib.
"Birləşmiş Ştatlar prezidentinin qanuni əmrləri bu Müdafiə Nazirliyinin daxilində tez və bəhanəsiz yerinə yetiriləcək. Biz insanları cavabdehliyə cəlb edəcəyik" - deyə, Heqset bildirib.
ABŞ Senatı cümə günü gec saatlarda səs verərək, Prezident Donald Trampın müdafiə naziri vəzifəsinə namizədi Pit Heqsetin nominasiyasını 51-50 səs fərqi ilə təsdiq edib.
Vitse-prezident J.D Vans öz səsi ilə 100 üzvlük Senatda 50-50 olan səsvermə nəticəsini dəyişib. Bu, ABŞ tarixində ikinci dəfədir ki, eyni zamanda Senatın prezidenti olan ölkə vitse-prezidenti hər hansı namizədin təsdiqi səsverməsində bərabərə olan nəticəni dəyişmək üçün səs verir.
Səsvermə Senatda günlərlə Heqsetin ABŞ ordusunun ən yüksək mülki vəzifəsinə uyğunluğu ilə bağlı debatların aparılmasından sonraya təsadüf edib.
Bu ayın əvvəlində Heqset təsdiq dinləməsində də qanunvericilərə deyib ki, o, ölkə ordusunda cavabdehliyi geri qaytaracaq.
visiontv.az
