İtaliya təmsilçisi "Yuventus" futbolçusu Danilo ilə yollarını ayırıb.
Milli.Az xəbər verir ki, Turin təmsilçisi rəsmi açıqlama yayaraq, braziliyalı futbolçu ilə müqavilənin qarşılıqlı razılıq əsasında ləğv edildiyini bildirib.
2019-cu ildə "Mançester Siti"dən "Juventus"a keçən 33 yaşlı müdafiəçi bu müddətdə 200-dən çox matçda forma geyinib və komandanın əsas fiqurlarından biri olub. Lakin Tiago Mottanın baş məşqçi postuna gəlişi ilə Danilonun komandadakı rolu azalaraq, heyətdən kənarlaşdırılması ilə nəticələnib.
Danilonun İtaliyada qalaraq "Napoli"yə keçəcəyi ilə bağlı iddialar olsa da, son məlumatlara görə, o, vətəninə qayıdaraq "Flamenqo" ilə müqavilə imzalayacaq.
Bu ayrılıqla "Juventus" yeni kapitan axtarışına çıxır.
Fidan
Milli.Az
