ABŞ-nin transmilli şirkəti, məşhur “Google” axtarış sistemi “Google Maps” tətbiqində Meksika körfəzinin adını “Amerika körfəzi” olaraq dəyişdirəcəyini açıqlayıb.
"Cebheinfo.az" xəbər verir ki, “Google Maps” ABŞ-nin Coğrafi Adlar Sistemi rəsmi olaraq yeniləndikdən sonra Meksika körfəzinin adını "Amerika körfəzi" şəklində dəyişəcək.
Dəyişikliyi ABŞ-dəki istifadəçilər görəcəklər, lakin Meksikada ad dəyişməz qalacaq. Bu iki ölkədən kənarda istifadəçilər hər iki adı “Google Maps”də görəcəklər. “Google Maps” də “McKinley” dağının adında da oxşar dəyişiklik edəcək.
Xatırladaq ki, ABŞ Prezidenti Donald Tramp yanvarın 20-də vəzifəyə gəldikdən sonra ilk saatlarda görülən bir sıra inzibati tədbirlər çərçivəsində adın dəyişdirilməsinə göstəriş verib.
Prezidentin göstərişi ilə Meksika körfəzi rəsmi olaraq Amerika Körfəzi, Şimali Amerikanın ən yüksək zirvəsi (Alyaskanın Denali) yenidən "MacKinli" dağı kimi tanınacaq.
