"CBC Sport"un "Youtube" kanalında problem yaranıb. Belə ki, platformadakı səhifədə canlı yayımlar dayanıb. Artıq iki gündür kanalda yayımlanan oyunlara və canlı verilişlərə "Youtube"də baxmaq olmur.
Kanalın baş redaktoru Şəmsəddin Abbasov Fanat.Az-a açıqlamasında problemə aydınlıq gətirib:
"Doğrudur, "Youtube" üzərindən canlı yayımlara məcburi fasilə vermişik. Səbəb texniki problemdir. Kanal müvəqqəti bloklanıb. Danışıq aparırıq, yaxın bir həftə ərzində açılacağına ümid edirik. Əslində, "Youtube"-də böyük uğur əldə etmişik. Aktiv izləyici sayına görə ilk "10-luq"dayıq. Abunəçi sayımız 500 minə çatır. Platforma üzərindən 3 kanalımız var, hazırda 2-si fəaliyyətdədir".
Mirağa
