York şahzadəsi Beatris (mərhum Kraliça II Yelizavetanın nəvəsi) ana olub.
"Unikal" xəbər verir ki, şahzadənin körpəsi vaxtından əvvəl doğulub.
"Əlahəzrət Şahzadə Beatris və cənab Edoardo Mapelli Mozzi qızlarının sağ-salamat gəlişini elan etməkdən məmnundurlar" deyə kral ailəsi sosial mediadakı rəsmi hesabında bildirib.
Qızın adını Afina qoyublar. Uşağın çəkisi 1,95 kq-dır. O, yanvarın 22-də Londonun "Chelsea and Westminster Hospital"ında anadan olub.
Xatırladaq ki, şahzadə Beatris və iş adamı Mapelli-Mozzi 2020-ci ilin iyulunda evləniblər. Cütlüyün 2021-ci ilin sentyabrında Sienna adlı qızları doğulub. Mapelli-Mozzinin əvvəlki evliliyindən bir oğlu da var.
