Ağcabədidə yol nəqliyyat hadisəsi baş verib.
Gundem.az Trend-ə istinadən xəbər verir ki, hadisə Ağcabədi Hindarx yolunda qeydə alınıb.
Belə ki, Beyləqan rayon sakini 1983-cü il təvəllüdlü Elyasov Bəhruz Elman oğlu idarə etdiyi "Mercedes"markalı avtomobillə hərəkətdə olarkən idarəetməni itirərək yol kənarındakı ağaca çırpılıb.
Nəticədə avtomobildə olan sərnişin sürücünün anası 1958-ci il Elyasova Qənirə Şükir qızı müxtəlif dərəcəli xəsarət alıb.
Hadisə yerinə çağrılan Ağcabədi təcili yardım bölməsinin əməkdaşları 67 yaşlı Q.Elyasovanı sağ qolun sınığı, kəllə-beyin travması ilə rayon xəstəxanasına çatdırıb.
Faktla bağlı araşdırma aparılır.
