“Sabah müəyyən detallar oyunun taleyini həll edəcək. Turnir cədvəli baxımından “Olimpiakos” daha yaxşı vəziyyətdədir".
İdman.biz xəbər verir ki, bunu "Qarabağ"ın yarımmüdafiəçisi Julio Romao UEFA Avropa Liqasında "Olimpiakos"la keçiriləcək oyundan əvvəl təşkil olunan mətbuat konfransında deyib.
Braziliyalı futbolçu turnirin son turunu qələbə ilə başa vurmaq arzusunda olduqlarını bildirib: "Rəqibimiz növbəti mərhələyə vəsiqə uğrunda mübarizə aparır. Biz isə aşağı sıralarda qərarlaşmağımıza baxmayaraq, Liqa mərhələsini daha yuxarı pillələrdə bitirmək üçün sabah uğurlu nəticə qazanmağa çalışacağıq. Bizim üçün hər bir oyun önəmlidir. Bütün matçlara müsbət nəticə əldə etmək üçün çıxırıq. Sabah da turniri qalibiyyətlə bitirməkdən ötrü əlimizdən gələni edəcəyik”.
Qeyd edək ki, sabah Pireydə keçiriləcək qarşılaşma Bakı vaxtı ilə saat 00:00-da başlayacaq.
İdman.biz
