Ermənipərəst keçmiş amerikalı senator Bob Menendesə hökm oxunub.
Xezerxeber.az-ın məlumatına görə, korrupsiya və rüşvətxorluqda ittiham olunaraq ona 11 il müddətinə azadlıqdan məhrum edilmə cəzası kəsilib.
Hökmdən əvvəl keçmiş senator ağlayaraq ailəsindən başqa onun üçün dəyərli olan hər şeyi itirdiyini bildirib.
Hökmü ABŞ-ın Manhetten dairə hakimi Sidni Ştayn elan edib.
Keçmiş senator Misirin hərbi maraqlarını önə çıxarmaq, cinayət təqiblərinə müdaxilə etmək və Qətər rəsmilərinin investisiyalarının təhlükəsizliyini təmin etmək üçün səlahiyyətlərindən sui-istifadə etməyə çalışmaqda ittiham edilir. İttiham aktına əsasən, Menendes və erməniəsilli həyat yoldaşı Nadine Menendes bunun müqabilində qızıl külçələr, yüzminlərlə dollar nağd pul, avtomobil və digər formada rüşvət alıb.
2006-cı ildən Nyu-Cersi ştatının senatoru olan Bob Menendes Konqresdə fəaliyyət göstərdiyi vaxtda federal agent kimi müttəhim kürsüsünə çıxarılan ilk senator olub. Bu, Menendesin Senatın üzvü olduğu təxminən 20 il ərzində onun korrupsiya ittihamı ilə üzləşdiyi ikinci federal cinayət məhkəməsi prosesidir. Əvvəlki məhkəmə istintaqı münsiflər heyətinin hökm çıxara bilməməsi səbəbindən yanlış araşdırma ilə nəticələnib.
O, ötən ilin avqustunda vəzifəsindən istefa verib.
