Qaraciyər xəstəlikləri çoc vaxt ilkin mərhələdə simptomsız keçir.
Medianews.az xarici mediaya istinadən xəbər verir ki, bu barədə hepatoloq və qastroenteroloq İqor Tixonov danışıb.
— Qaraciyər xəstəlikləri ən inkişaf etmiş mərhələlərə qədər uzun müddət “səssiz” qalır. Yəni onların heç bir xüsusi fərqləndirici simptomları yoxdur. Hətta sirrozdan söhbət gedəndə belə, aşkar təzahürlər olmaya bilər”, – deyə həkim bildirib.
Onun sözlərinə görə, ilkin mərhələdə qaraciyər xəstəlikləri ilə insanlar adətən ümumi zəiflik və yorğunluqdan şikayət edirlər ki, bunu da çox vaxt stress və həddindən artıq yüklənmə ilə əlaqələndirirlər. Bundan əlavə, onlar sağ hipokondriyumda narahatlıq hiss edə bilərlər.
Tixonovun vurğuladığı kimi, steatoz (qaraciyərdə yağın çökməsi) kimi bir xəstəliyin diaqnozu üçün ən sadə və əlçatan üsul ultrasəsdir.
“Əgər piy toxuması bütün orqanın həcminin 10-15%-dən çoxunu tutursa, bu, diaqnozun qoyulması üçün əsas şərtdir. Həmçinin xəstənin vəziyyətini qiymətləndirmək üçün qanda xolesterin və qlükoza səviyyəsi müəyyən edilir”, – deyə həkim vurğulayıb.
Həkim qeyd edib ki, bu gün qaraciyəri bərpa edən dərmanlar yoxdur, lakin eyni zamanda, bu orqan təbii olaraq çox böyük potensiala malikdir. Mütəxəssisin fikrincə, əgər insan qaraciyərə istirahət verirsə, o, bir qayda olaraq, özünü uğurla bərpa edir. Adətən bir aydan üç aya qədər. Qaraciyərinizə istirahət vermək üçün ilk növbədə həddindən artıq yeməməlisiniz. Yəni həddindən artıq kalori qəbulunu azaldın.
“Üstəlik, bu o demək deyil ki, diqqətinizi yağlı qidaların məhdudlaşdırılmasına yönəltməlisiniz. Əsas odur ki, ümumiyyətlə, artıq kalori yoxdur”, – ekspert qeyd edib.
