“Neftçi” futbol üzrə Azərbaycan Premyer Liqasının 21-ci turu çərçivəsində qarşılaşacağı “Şamaxı”ilə matçın hazırlığını başa çatdırıb.
Arena.az xəbər verir ki, “ağ-qaralar” bu gün “Neftçi” Futbol Mərkəzində oyunöncəsi son məşqinə çıxıblar.
Paytaxt təmsilçisinin futbolçularından Rəhman Hacıyev, Rafael Quzzo və Dembo Darbo bu oyunda iştirak etməyəcəklər. Onlar son iki matçda olduğu kimi, “Şamaxı” ilə matçı da zədə səbəbindən buraxacaqlar.
Xatırladaq ki, sabah – yanvarın 31-də “Neftçi Arena”da keçiriləcək bu oyuna saat 18:30-da start veriləcək.
