Tramp qoşunların Suriyadan mümkün çıxarılması ilə bağlı xəbərlərə münasibət bildirib.
KONKRET.az xəbər verir ki, ABŞ prezidenti Donald Tramp Ağ Evdə jurnalistlərin suallarını cavablandırarkən Vaşinqtonun Amerika qoşunlarının ərəb respublikasından çıxarılması ehtimalı ilə bağlı qərar verəcəyini bildirib: “Bunu kimin dediyini bilmirəm, amma bununla bağlı qərar verəcəyik”.
“Biz Suriyadakı vəziyyətə qarışmırıq. Orada çox qarmaqarışıq vəiyyət hökm sürür. Onların orada kifayət qədər problemləri var. Onların bizim qarışmağımıza ehtiyacı yoxdur”, – deyə o əlavə edib.
Xarici ekspertlər hesab edir ki, Suriya yaxın 5 il ərzində Türkiyənin nəzarəti altına keçəcək. Artıq bununla bağlı Türkiyənin dövlət başçısı Rəcəb Tayyib Ərdoğan öz çıxışlarında dəfələrlə vurğulamışdı.
Günel Mikayılova,
KONKRET.az
