Bu ilin yanvar-fevral aylarında Azərbaycan xaricdən 12,1 milyon dollar dəyərində 309 ədəd elektromobil idxal edib.
Valyuta.az Dövlət Gömrük Komitəsinə istinadən xəbər verir ki, ötən ilin eyni dövrü ilə müqayisədə ölkəyə idxal olunan elektromobillərin sayı 232 ədəd və ya 42,9%, dəyəri isə 10,8 milyon və ya 47,1% azalıb.
Qeyd edək ki, 2024-cü ilin yanvar-fevral aylarında ölkəyə 22, 8 milyon dollar dəyərində 541 ədəd elektromobil gətirilib.
Bu ilin ilk iki ayında bir elektromobilin orta idxal dəyəri 39,1 min dollar təşkil edib. Ötən ilin yanvar-fevral ayında isə bu rəqəm 42,2 min dollar idi.
Bu isə illik müqayisədə 3,1 min dollar və ya 7,3% azdır.
