İsrailin baş naziri Netanyahunun ofisi Qəzza zolağına aviazərbələrin bərpasını bununla izah edib ki, HƏMAS ABŞ-nin Yaxın Şərq üzrə xüsusi nümayəndəsi Stiv Uitkoff və digər vasitəçilərdən alınan bütün təklifləri rədd edib...
Poliqon xəbər verir ki, bu barədə “The Times of Israel” qəzeti yazır.
Qeyd edək ki, HƏMAS bu ayın əvvəlində ikinci mərhələsinə qədəm qoymalı olan razılaşmanın ilkin şərtlərinə hörmət etməkdə israr etdi. Bu mərhələ İsrailin Qəzzadan tamamilə çıxarılmasını və qalan girovların azad edilməsi müqabilində müharibəni nəhayət bitirmək barədə razılaşmanı əhatə edirdi. İsrail razılaşmanı imzalasa da, Netanyahu çoxdan israr edir ki, İsrail HƏMAS hökuməti və hərbi imkanları məhv edilənə qədər müharibəyə son qoymayacaq.
Bundan sonra İsrail fevralın 3-də başlamalı olan ikinci mərhələnin şərtləri ilə bağlı danışıqlardan imtina etdi.
Birinci mərhələ başa çatdıqdan sonra atəşkəs təxminən iki həftə yarım saxlanırkən, vasitəçilər atəşkəsin uzadılması üçün yeni şərtlər hazırlamağa çalışırdılar.
Uitkoff keçən həftə beş canlı girovun azad edilməsi müqabilində atəşkəsin bir neçə həftə uzadacaq bir təklif təqdim etdi. Həmçinin ABŞ nümayəndəsi HƏMAS-ın yanaşmasının dəyişməməsi müqabilində gözlənilən nəticələrlə bağlı xəbərdarlıq edib.
Bir gecədə baş verən zərbəni elan edən bəyanatda Netanyahunun ofisi bunun İsrailin hərbi məqsədlərinə, yəni HƏMAS-ın hərbi və dövlət imkanlarının məhv edilməsinə və girovların geri qaytarılmasına nail olmaq olduğunu bildirib.
Poliqon.info
