Polşa müdafiə nazirinin müavini Pavel Bejda bildirib ki, ölkə 1999-cu il Ottava Konvensiyasına əsasən silahların istifadəsinə qadağa qoyulmasına baxmayaraq, Polşa-Belarus və Polşa-Rusiya sərhədlərində 1 milyona yaxın piyada əleyhinə mina yerləşdirmək niyyətindədir.
Belə tədbirlər Polşanın Şərq Qalxanı proqramı çərçivəsində həyata keçiriləcək. “Başqa seçimimiz yoxdur. “Sərhəddə vəziyyət ciddidir”, o deyib və bildirib ki, hazırda Polşada belə minalar yoxdur. Bununla belə, onlar Polşanın özəl və dövlətə məxsus hərbi müəssisələrində istehsal olunacaqlar.
Martın 18-də Litva, Latviya, Estoniya və Polşanın müdafiə nazirləri bəyan ediblər ki, dövlətlər piyada əleyhinə minaları qadağan edən Ottava Konvensiyasında iştiraklarını nəzərdən keçirmək niyyətindədirlər. Müdafiə nazirlikləri bu qərarı Rusiya ilə qarşıdurma təhlükəsinin artması və NATO-nun şərq cinahının gücləndirilməsi zərurəti ilə izah ediblər.
//Samir Qurbanov, Editor.az
