2022-ci il dünya çempionluğunu Argentina millisinin futbolçusu Lionel Messiyə veriblər.
İdman.biz xəbər verir ki, bunu Fransa millisinin sabiq müdafiəçisi Patris Evra yerli mətbuata müsahibəsində deyib.
O bildirib ki, Qətərdə təşkil olunmuş mundialda hər şey əvvəldən həll olunmuşdu: "Biz 2018-ci ildə dünya çempionu olmuşuq. Amma hamımız bilirik ki, 2022-ci ildə dünya çempionluğunu sadəcə, Messiyə verdilər. Hətta fransalılar da argentinalının qazanmasını istəyirdilər. Startda penalti... Fransa millisinə Didye Deşamdan sonra gələcək baş məşqçiyə uğurlar arzulayıram. İnsanların "Daha ilyarım dözmək lazımdır" sözlərini eşidəndə, bunu hörmətsizlik əlaməti kimi qəbul etdim".
Qeyd edək ki, DÇ-2022-nin finalında Argentina yığması Fransaya penaltilər seriyasında qalib gəlib.
İdman.biz
