ABŞ Prezidenti Donald Tramp Kolorado ştatının Kapitolundakı portretinin götürülməsini tələb edib.
Publika.az xəbər verir ki, o, bu barədə “Truth Social” hesabında paylaşım edib.
ABŞ lideri portretinin qəsdən eybəcər hazırlandığını iddia edib.
“Heç kim özünün pis şəklini və ya fotosunu bəyənmir. Rəssam eyni zamanda Barak Obamanı da çəkib və o, əla görünür. Amma mənimki həqiqətən ən pisidir. Deyəsən rəssam yaşa dolduqca istedadını da itirib. İstənilən halda, bu şəkilə sahib olmaqdansa, şəklin olmamasına üstünlük verərdim. Koloradoda bir çox insan bundan qəzəblənib və şikayətlənib”, - Tramp paylaşımda bildirib.
