İnternetdə Ukrayna ordusunun Belqorod vilayətində daha bir yaşayış məntəqəsinə nəzarət etdiyi iddia edilir.
Moderator.az bu haqda "UNİAN"-a istinadla məlumat yayıb.
“Romanov Light” telegram-kanalını idarə edən rusiyalı “müharibə müxbiri” Vladimir Romanov axşam saatlarında Rusiya ordusunun Belqorod vilayətinin Krasnoyarujsk rayonunda yerləşən Popovka kəndini itirdiyini yazıb. O bu yaşayış məntəqəsinə hücumun başladığını hələ gündüz bildirib:
"Popovka, Krasnoyarujsk rayonu, Belqorod vilayəti -Rusiyanın müvəqqəti olaraq Ukrayna tərəfindən işğal olunmuş ərazisi. Yaşayış məntəqəsi Ukrayna Silahlı Qüvvələrinin nəzarətinə keçib".
Belqorod vilayətində döyüşlər
"UNİAN"-ın xəbərinə görə, martın 18-də Rusiya Müdafiə Nazirliyi Ukraynanı Belqorod vilayətinə hücum edərək Rusiya ilə Amerika Birləşmiş Ştatları arasında “danışıqları pozmağa” cəhddə ittiham edib.
O zaman Rusiya Federasiyası Ukrayna Silahlı Qüvvələrinin bölgədəki iki yaşayış məntəqəsi istiqamətində soxulmaq cəhdini elan edib. “Müharibə müxbirləri” ukraynalı döyüşçülərin uğurları və Rusiya ordusunun itkiləri haqqında yazıblar.
Martın 23-ü axşam saatlarında rusiyalı bloqçular Demidovka kəndinin Ukraynanın nəzarətinə keçdiyini bəyan ediblər. Qeyd edək ki, ölkə Silahlı Qüvvələrinin Baş Qərargahı Rusiya ərazisində hər hansı yeni əməliyyatlar barədə açıqlama verməyib.
S.Laçın
