Tanınmış teleaparıcı və prodüser Tarix Əliyev (Tolik) sosial şəbəkə hesabında paylaşım edərək boşanmış qadınlara qarşı mövcud olan stereotipləri tənqid edib.
Yenisabah.az xəbər verir ki, o, bəzi millət vəkillərinin boşanmış insanları ailə dağıdan kimi görməsinin yanlış olduğunu vurğulayıb.
Tolik bildirib ki, boşanma insanın dəyərini və cəmiyyətə qatqısını azalda bilməz:
"Bəzi millət vəkilləri düşünürlər ki, əgər bir insan ailəsində problem yaşayıbsa və boşanıbsa, deməli o, ailə dağıdıb. Lakin bu, doğru deyil. Məsələn, mənim anam musiqiçi, qarmon müəlliməsidir və təhsilə malikdir. Atam isə neftçi olub və onlar şəxsi xarakter uyğunlaşmazlığı səbəbindən boşanıblar. Mən həm atamı, həm də anamı görürdüm, onlarla əlaqəm davam edirdi.
Bu gün boşanmış qadınların cəmiyyətdə söz sahibi olmaması yanlış bir düşüncədir. Mediaturların əksəriyyəti qadınlardır və boşanmış bir qadın və ya kişinin təcrübəsi, onların cəmiyyətə necə təsir etdiyini, uşaqların inkişafına necə təsir göstərdiyini anlamaq üçün çox dəyərlidir. Boşanma hər iki tərəfin həyatında dəyişikliklər yarada bilər, amma bu, həmin şəxslərin dəyərini və cəmiyyətə qatqısını azaldmaz".
Tolik bu fikirləri video paylaşaraq izləyiciləri ilə bölüşüb. Onun fikirləri sosial mediada geniş müzakirələrə səbəb olub.
Əsmətxanım Rzazadə
Telegram kanalımız
