Ermənistan Rusiya ilə münasibətlərdə gərginliyi əbədi saxlaya bilməz.
Publika.az “Sputnik Ermənistan”a istinadən xəbər verir ki, bunu respublika parlamentinin spikeri Alen Simonyan deyib.
“Biz heç vaxt deməmişik ki, hansısa ölkə ilə əlaqələri kəsirik və eyni şey Rusiyaya da aiddir. Biz münasibətlərimizdə daim gərginliyi saxlaya bilmərik”, - Simonyan bildirib.
Bundan əvvəl Kremlin sözçüsü Dmitri Peskov Ermənistanı Rusiya üçün dost ölkə adlandırıb. Onun sözlərinə görə, Moskva erməni tərəfinin Rusiya ilə ikitərəfli münasibətlərin perspektivlərinə qarşılıqlı münasibətindən razıdır.
