Türkiyə millisinin və "İnter"in yarımmüdafiəçisi Hakan Çalhanoğlu hədəflərindən danışıb.
QOL.az xəbər verir ki, 31 yaşlı futbolçu Çempionlar Liqasını qazanmaq istədiyini deyib:
“Təbii ki, biz “İnter”i ən yaxşı şəkildə təmsil etməyə çalışırıq və üzərimizə böyük məsuliyyət düşür. İtaliyada mən artıq hər şeyi qazanmışam. Məqsədim Çempionlar Liqasının qalibi olmaqdır. İki il əvvəl finalda uduzduğumuzu nəzərə alsaq, mənim arzum finala çıxmaq və kuboku qazanmaqdır".
Bu mövsüm Hakan bütün turnirlərdə 32 oyun keçirib, 9 qol vurub və 4 məhsuldar ötürmə verib.
Çempionlar Liqasının 1/4 finalında "İnter" "Bavariya" ilə qarşılaşacaq. İlk oyun aprelin 8-də Münhendə baş tutacaq. Oyun Bakı vaxtı ilə saat 23:00-da başlayacaq.
