İsrail Hərbi Hava Qüvvələri Livanın cənubunda yerləşən şiə təşkilatı "Hizbullah"a bağlı "Rədvan" diversiya birliyinin komandirini məhv edib.
"Cebheinfo.az" xəbər verir ki, bu barədə İsrail ordusunun mətbuat xidməti məlumat yayıb.
"İsrail Hərbi Hava Qüvvələri Livanın cənubunda "Hizbullah"ın "Rədvan" qüvvələrinin batalyon komandiri Əhməd Adnan Bacikini zərbə endirərək məhv edib", - deyə məlumatda bildirilir.
Qeyd olunur ki, məhv edilən şəxs son aylarda İsrailin arxa cəbhəsinə qarşı terror hücumlarını idarə etməyə davam edib və İsrailin, eləcə də mülki əhalisinin təhlükəsizliyi üçün təhdid yaradıb:
"Ordu İsrail dövlətinə hər hansı bir təhdidi aradan qaldırmaq üçün fəaliyyətini davam etdirəcək".
