Bu gün AFFA İntizam Komitəsinin növbəti iclası keçirilib, İkinci Liqanın 18-ci turunun oyunları ilə bağlı bəzi qərarlar qəbul olunub.
Arena.az AFFA-nın rəsmi saytına istinadən həmin qərarların siyahısını təqdim edir:
“Ağdaş” – “Şəki Siti” oyununda “Ağdaş”ın 5 futbolçusu sarı vərəqə aldığı üçün sözügedən komanda 70 manat cərimə edilib. Oyunun 90+3-cü dəqiqəsində “Ağdaş”ın futbolçusu Ülvi Sarıyev ikinci sarıdan qırmızı vərəqə aldığı üçün 1 oyun cəzalanıb. “Ağdaş” buna görə 50 manat cərimə də ödəyəcək. Oyun bitdikdən sonra “Ağdaş”ın azarkeşləri tərəfindən meydançaya kənar əşyalar atıldığına görə sözügedən komanda daha 80 manat cərimə edilib.
“Şəfa” – “Şəmkir” oyununda “Şəmkir”də 4 nəfər sarı vərəqə aldığı üçün sözügedən komanda 70 manat cərimə edilib. Oyun bitdikdən sonra meydançaya kənar şəxslər daxil olduğuna görə “Şəfa” komandası 80 manat cərimə edilib.
“Kür-Araz” – “Füzuli” oyununda “Kür-Araz” komandası matçın ilkin protokolunu elektron sistemdə gec təsdiq etdiyinə görə sözügedən komanda 100 manat cərimə edilib. “Kür-Araz”ın 6 futbolçusu sarı vərəqə aldığı üçün sözügedən komanda 70 manat cərimə edilib. “Füzuli” komandasının 4 futbolçusu sarı vərəqə aldığı üçün bu komanda 70 manat cərimə edilib. “Füzuli”nin adı matçın protokolunda olmayan rəsmi şəxsi Vasif İsmayılov texniki zonada olduğu üçün komandası 80 manat cərimə edilib.
